ახალი ამბები

საქართველოს პრეზიდენტს თბილისის საერთაშორისო აეროპორტში მხარდამჭერები დახვდნენ. მიხეილ სააკაშვილის თვითმფრინავი აეროპორტში დაახლოებით 21:00 საათისთვის დაეშვა. როგორც აეროპორტში შეკრებილმა მოქალაქეებმა განაცხადეს, საქართველოს პრეზიდენტს გაეროში ძლიერი გამოსვლა ჰქონდა და მათ სურდათ, დახვედრით მადლიერება გამოეხატათ.  

დვანში ე.წ ადმინისტრაციული საზღვრის გადმოწევა დღეს სამოქალაქო საზოგადოების წარმომადგენლებმა გააპროტესტეს. აქციის მონაწილეებმა ცოცხალი ჯაჭვი შეკრეს და ხელისუფლებას აქტიურობისკენ მოუწოდეს.  

თბილისის აეროპორტში მიხეილ სააკაშვილს აქცია ელოდება. გაეროდან დაბრუნებულ საქართველოს პრეზიდენტს საკუთრი მხარდამჭერები დახვდებიან. სააკაშვილი გაეროს გენერალური ასამბლეის სესიაზე პრეზიდენტის რანგში სიტყვით ბოლოჯერ გამოვიდა. სააკაშვილის სიტყვის დროს რუსეთის დელეგაციამ დარბაზი დატოვა - სააკაშვილის სიტყვას ქართულ პოლიტიკურ წრეებში, დასავლურ და რუსულ მედიაში დიდი გამოხმაურება მოჰყვა. შეფასებების უმეტესობა სააკაშვილის გამოსვლა დადებითი იყო. 

პარლამენტის შენობის წინ მიხეილ სააკაშვილისა და დავით ბაქრაძის ფიტულები დაწვეს. აქციის მონაწილეებმა ფიტულებთან ერთად დაწვეს "ნაციონალური მოძრაობის" წარმომადგენლების და წინა ხელისუფლების პოლიტიკური თანამდებობის პირების ფოტოები.
 

მოძრაობა "გადაარჩინე სიცოცხლის" წარმომადგენლები და მათი მხარდამჭერები ხელისუფლებისგან კონკრეტულ კითხვებზე პასუხის გაცემას ითხოვენ. ხელისუფლებისადმი შეკითხვები მათ პარლამენტის წინ მიმდინარე აქციაზე დააფიქსირეს.  

"ნაციონალური მოძრაობის" პრეზიდენტობის კანდიდატი, დავით ბაქრაძე საპარლამენტო უმრავლესობას და უმცირესობას მოუწოდებს , სამშაბათს პარლამენტში დაგეგმილ პოლიტიკურ დებატებს მხოლოდ პოლიტიკური კინკლაობისთვის ნუ გამოიყენებენ.  

"პეგასუსის" ავიარეისი თბილისი-სტამბულის მიმართულების 23 საათის დაგვიანებით შესრულდება. როგორც ჟურნალისტებს კომპანიის წარმომადგენელმა ლევან ელიზბარაშვილმა განუცხადა, ის მგზავრები, რომლებიც სტამბულში დღეს დაგეგმილი რეისით ვერ გაემგზავრნენ, ხვალ, გამთენიისას, 03.30 საათზე გაფრინდებიან.