ახალი ამბები

კავკასიისა და კავკასიელ ხალხთა სახელით, რუსეთის ხუთი უმსხვილესი ბანკის ვებ-გვერდებზე ჰაკერული თავდასხმა განხორციელდა . 
გამოცემა "გაზეტა.რუ"-ს ინფორმაციით, ვებ-თავდასხმა განხორციელდა "სბერბანკზე", "ალფა-ბანკზე", "გაზპრომბანკზე", "ვი-თი-ბი"-სა და "ცენტრობანკზე". ჰაკერების ქმედება კონკრეტულად ვებ-გვერდებს უკავშირდებოდა და არ შეხებია საბანკო მომსახურებებს.

საქართველოს პრეზიდენტი მთავრობას მსხვილი პროექტების გაგრძელებას ურჩევს, - ამის შესახებ მიხეილ სააკაშვილმა საერთაშორისო სავალუტო ფონდის ანგარიშის კომენტირებისას განაცხადა, რომელმაც საქართველოს ეკონომიკური ზრდის პროგნოზი 2,5%-მდე შეიმცირა. 
როგორც პრეზიდენტმა აღნიშნა, საქართველოს ეკონომიკის დანგრევა დაუშვებელია. "სწრაფი ეკონომიკური განვითარება არის ჩვენი დაცვა რუსეთის მზარდი აგრესიისგან.

არავის ვურჩევდი,  სახელმწიფო წესრიგს ეთამაშოს, - ამის შესახებ კოალიცია "ქართული ოცნების" პრეზიდენტობის კანდიდატმა,  გიორგი მარგველაშვილმა ჟურნალისტებთან საუბრისას განაცხადა. 
მარგველაშვილი "ნაციონალური მოძრაობის" გენერალური მდივნის, ვანო მერაბიშვილის განცხადებას გამოეხმაურა იმის შესახებ, რომ "ნინო ბურჯანაძის ხელით, რუსეთს თბილისში არეულობის მოწყობა აქვს განზრახული". 
"ქართული ოცნების" პრეზიდენტობის კანდიდატის თქმით, არავის ექნება უფლება, რამენაირად კანონს გადაუხვიოს. 

საოკუპაციო ხაზის გადაკვეთის გამო ოკუპანტებმა ხურვალეთის მკვიდრი ზაქრო ჯოჯიშვილი დააკავეს. როგორც "ინტერპრესნიუსს" საქართველოს შინაგან საქმეთა სამინისტროს ანალიტიკური დეპარტამენტის ხელმძღვანელმა დავით სუჯაშვილმა განუცხადა, ჯოჯიშვილი დღეს დილით დააკავეს და მის გასათავისუფლებლად ანალიტიკური დეპარტამენტი მოლაპარაკებებს უკვე აწარმოებს. 

უწყებათაშორისი კომისიის დღევანდელი სხდომის შემდეგ კომისიის ხელმძღვანელმა თეა წულუკიანმა და "ერთიანი ნაციონალური მოძრაობის" წარმომადგენელმა თინა ბოკუჩავამ ერთმანეთის საწინააღმდეგო განცხადებები გააკეთეს. 
თინა ბოკუჩავას თქმით, წულუკიანმა "ნაციონალებს" მატყუარები უწოდა და დღევანდელ შეხვედრაზეც დაადასტურა, რომ მისი მთავარი ამოსავალი წერტილი "ნაციონალური მოძრაობის" განადგურებაა.