საქართველოს შინაგან საქმეთა სამინისტროში თავდაცვის მინისტრი ირაკლი ალასანია იმყოფებოდა. შს სამინისტროს ინფორმაციით, ირაკლი ალასანია შინაგან საქმეთა მინისტრმა ირაკლი ღარიბაშვილმა მიიღო. რიგით მესამე სამუშაო შეხვედრას ასევე ესწრებოდნენ ძალოვანი მინისტრების მოადგილეები და საქართველოს შეიარაღებული ძალების გაერთიანებული შტაბის ხელმძღვანელი.
მინისტრებმა კრიზისის მართვის ერთობლივი კოორდინირებული მუშაობის, შსს-ს აკადემიასა და თავდაცვის აკადემიას შორის ურთიერთთანამშრომლობის საკითხები, მათ შორის, სპეციალისტების მომზადების საკითხი განიხილეს. შეხვედრაზე დაიგეგმა შინაგან საქმეთა და თავდაცვის სამინისტროების თანამშრომლების ერთობლივი წვრთნების ჩატარება.
"ნაციონალური მოძრაობის" ცენტრალურ ოფისში "თანასწორობის ინსტიტუტის" წევრები გიორგი გაბედავა და ირაკლი კაკაბაძე შეიჭრნენ. მათი თქმით, 10 დღის წინ "ნაციონალურ მოძრაობას" შეკითხვით მიმართეს, რაზეც პასუხი არ მიუღიათ. კერძოდ, ისინი ითხოვდნენ მიხეილ სააკაშვილის ბიოგრაფიას, 89-90-იან წლებში იყო თუ არა სააკაშვილი რუსეთის სპეცსამსახურის წარმომადგენელი. ოპოზიციურ პარტიაში მათ უპასუხეს, რომ 1 თვეში მიიღებდნენ წერილობით პასუხს.
ახალი ამბები
კოალიცია "ქართული ოცნების" პრეზიდენტობის კანდიდატი გიორგი მარგველაშვილი დარწმუნებულია, რომ ვილნიუსის სამიტზე, როგორც ქვეყნის პირველი პირი, თავად გაემგზავრება. როგორც აღნიშნულ საკითხზე კომენტირებისას მარგველაშვილმა ჟურნალისტებს განუცხადა, საკითხს, თუ ვინ იქნება წარმოდგენილი საქართველოს პრეზიდენტის სახით ვილნიუსის სამიტზე, მათემატიკური გაანგარიშება არ სჭირდება. 
საქართველოს პრემიერ-მინისტრი ბიძინა ივანიშვილი ხვალ გაზეთებისა და რადიოების მთავარ რედაქტორებს შეხვდება. შეხვედრა საგამოფენო ცენტრ "ექსპო ჯორჯიაში" 10:00 საათზე დაიწყება. ბიძინა ივანიშვილი შეკითხვებს უპასუხებს. 
