ახალი ამბები

"ქართული ოცნების" საპრეზიდენტო კანდიდატი პრემიერ-მინისტრის პოსტზე დავით სერგეენკოს კანდიდატურის განხილვას არც უარყოფს და არც ადასტურებს. როგორც გიორგი მარგველაშვილმა "რუსთავი 2"-ის გადაცემა "პოზიციაში" განაცხადა, დავით სერგეენკო მისთვის ასოცირდება ამაღლებულ სოციალურ დახმარებასთან, 150 ლარამდე 

ცხინვალის მარიონეტულმა რეჟიმმა დღეიდან საქართველოსთან დამაკავშირებელ ყველა ე.წ. საზღვარზე გადაადგილება შეზღუდა. როგორც ოსური მედია წერს, ამის შესახებ ინფორმაცია ე.წ. სამხრეთ ოსეთის ე.წ. უშიშროების კომიტეტმა გაავრცელა.
აღნიშნული გადაწყვეტილება საქართველოში დაგეგმილ საპრეზიდენტო არჩევნებთან დაკავშირებით უსაფრთხოების ზომების გაძლიერებას უკავშირდება. 
შეზღუდვა იმ მონაკვეთებს შეეხება, სადაც დღემდე ე.წ. საზღვრის გადაკვეთა შედარებით გამარტივებული იყო. 

სასჯელაღსრულების მინისტრის სოზარ სუბარის ინფორმაციით, ახალი პრემიერ-მინისტრი იმ გუნდიდანაა, რომლითაც "ქართული ოცნება" ხელისუფლებაში მოვიდა. 
როგორც სოზარ სუბარმა დღეს გამართულ პრესკონფერენციაზე განაცხადა, იმ ნდობიდან გამომდინარე, რომელიც გუნდს აქვს, არავის ეპარება ეჭვი, რომ კანდიტარა ღირსეული იქნება. 
"ის, რომ კანდიდატურა ბიძინა ივანიშვილმა შეარჩია, მის მიმართ ნდობაა. ისიც კარგად ვიცით, რომ ეს ადამიანი უცხო არაა და არის იმ გუნდის წევრი, რომლითაც მოვიდა ხელისუფლებაში. იმ ნდობიდან გამომდინარე, რაც ბიძინა ივანიშვილს აქვს ჩვენგან, არავის ეპარება ეჭვი, რომ კანდიდატურა იქნება ღირსეული", - აღნიშნა სუბარმა. 

პრეზიდენტობის ერთ-ერთი კანდიდატის საარჩევნო პლაკატებს ციხეში სპეციალური დაცვა სჭირდება, რომ პატიმრებმა არ ჩამოხიონ, - ამის შესახებ საქართველოს სასჯელაღსრულების მინისტრმა სოზარ სუბარმა დღეს გამართულ პრესკონფერენციაზე განაცხადა. მისი თქმით, ამ კანდიდატის პლაკატებთან ოფიცრები დგანან, რათა პატიმრებმა არ ჩამოხიონ. "ყველა იმ კანდიდატის საარჩევნო მასალები არის გამოკრული ვინც მოიტანა. ჩვენ ყველა გავაფრთხილეთ და ვინც არ მოიტანა ძალით ვერც მოვატანინებდით. ერთ-ერთი კანდიდატის საარჩევნო პლაკატებს სპეციალური დაცვა სჭირდება, რომ პატიმრებმა არ ჩამოხიონ და არ გააფუჭონ. რამდენიმე ოფიცერი იცავს, რომ პატიმრებმა არ დააზია

თურქულმა მხარემ იშხნის ტაძრის რესტავრაციის დასრულების ვადა 2014 წლის მაისამდე გაახანგრძილვა, - ამის შესახებ კულტურული მემკვიდრეობის დაცვის ეროვნული სააგენტოს გენერალურმა დირექტორმა მერაბ ბოჭოიძემ განაცხადა. 
საქართველოს კულტურის სამინისტროში იშხნის სარეაბილატაციო სამუშაოების მიმდინარეობის შესახებ მორიგი ანგარიშის პრეზენტაცია გაიმართა, რომელსაც კულტურის მინისტრი გურამ ოდიშარია და იშხანზე მე-5 ექსპედიციის მონაწილე პირები ესწრებოდნენ. 

საქართველოს პარლამენტის მიერ მთავრობისთვის უნდობლობის გამოცხადება საკმაოდ გართულებულ და გაჭიანურებულ პროცედურებთან იქნება დაკავშირებული. 
მთავრობისთვის უნდობლობის გამოცხადება ე.წ. უნდობლობის კონსტრუქციული ვოტუმის საფუძველზე განხორციელდება, ანუ მთავრობის მოქმედი შემადგენლობისთვის უნდობლობის გამოცხადებასთან ერთად, პარლამენტი ნდობას მთავრობის ახალ შემადგენლობას გამოუცხადებს.