ახალი ამბები

საქართველოს პრეზიდენტმა, მიხეილ სააკაშვილმა მოსახლეობას პრეზიდენტის სასახლიდან უკანასკნელად მიმართა. "ჩემი პრეზიდენტობის მეორე ვადა დასასრულს უახლოვდება. გუშინდელი არჩევნების შედეგი ჩვენთვის უკვე ცნობილია და, შესაბამისად, 

საქართველოს თავდაცვის მინისტრი ირაკლი ალასანია მთავრობაში საფუძვლიან ცვლილებებს არ ელოდება, - ამის შესახებ მინისტრმა ჟურნალისტებს ბერძენ კოლეგასთან გამართული შეხვედრის დასრულების შემდეგ განუცხადა. 

ამერიკის შეერთებული შტატების, დიდი ბრიტანეთისა და ნიდერლანდების ელჩებმა გიორგი მარგველაშვილს წინასწარი მონაცემების მიხედვით საპრეზიდენტო არჩევნებში მიღებული შედეგი მიულოცეს.
რიჩარდ ნორლანდი, ალექსანდრა ჰოლ ჰოლი და ჰანს ჰორბახი "ქართული ოცნების" პრეზიდენტობის კანდიდატს კოალიციის ოფისში შეხვდნენ და 

ევროკომისარმა გაფართოებისა და სამეზობლო პოლიტიკის საკითხებში შტეფან ფულემ და საგარეო ურთიერთობებისა და უსაფრთხოების საკითხებში ევროკავშირის უმაღლესმა წარმომადგენელმა, ქეთრინ ეშტონმა გიორგი მარგველაშვილს საპრეზიდენტო არჩევნებში გამარჯვება მიულოცეს.

სომხეთის პრეზიდენტმა, სერჟ სარგსიანმა გიორგი მარგველაშვილს საპრეზიდენტო არჩევნებში გამარჯვება მიულოცა, - ამის შესახებ ინფორმაციას სომხეთის სახელმწიფო მეთაურის პრესსამსახური ავრცელებს.
მათივე ინფორმაციით, სერჟ სარგსიანმა გიორგი მარგველაშვილს 

გიორგი მარგველაშვილი ავლაბრის საპრეზიდენტო რეზიდენციაში მუშაობას არ აპირებს, - ამის შესახებ მარგველაშვილმა პრემიერ-მინისტრ ბიძინა ივანიშვილთან ერთობლივ პრესკონფერენციაზე "ინტერპრესნიუსს" განუცხადა. 
მისივე აზრით, აღნიშნული რეზიდენცია, როგორც ხალხის ფულით აგებული შენობა, ხალხმა უნდა მოიხმაროს.
"მე არ ვაპირებ იქ მუშაობას. ჩემი აზრია ის, რომ ეს რეზიდენცია უნდა იყოს გადაცეული ისეთი სფეროსთვის, რომელიც უფრო სახალხოა, ვიდრე ერთი მაღალი პოლიტიკური უფლებების მქონე პირის რეზიდენცია. 

საქართველოს პრემიერ-მინისტრის, ბიძინა ივანიშვილის განცხადებით, 24 ნოემბერს დაგეგმილია კრება, სადაც ის გადადგება. ამის შესახებ ბიძინა ივანიშვილმა ჟურნსლიტებთან შეხვედრაზე განაცხადა. ამით პრემიერი იმ კითხვას გამოეხმაურა, რამდენად მიზანშეწონილია განცხადება, რომ ივანიშვილმა პრემიერის პოსტის დატოვების შემდეგაც შეიძლება შეინარჩუნოს გავლენა გადაწყვეტილებებზე. 

ახალი გუბერნატორების დანიშვნის საკითხზე მთავრობა მსჯელობას ხვალიდან დაიწყებს, - ამის შესახებ პრემიერ-მინისტრმა, ბიძინა ივანიშვილმა სასტუმრო "რედისონში" მიმდინარე პრესკონფერენციაზე განაცხადა.
მისივე განმარტებით, მთავრობის კომპეტენციის მიუხედავად, ფიქრობს, რომ საკითხზე კონსულტაციები კოალიციის პოლიტსაბჭოსთანაც იქნება საჭირო.

გიორგი მარგველაშვილს უშიშროების საბჭოს მდივნის პოსტზე გიგა ბოკერიას შემცვლელის კანდიდატურა შერჩეული ჰყავს. ამის შესახებ მარგველაშვილმა პრემიერ-მინისტრ ბიძინა ივანიშვილთან ერთობლივ პრესკონფერენციაზე განაცხადა."უშიშროების საბჭოს მდივანი შერჩეული მყავს, მაგრამ მინდა, რომ ეს მანაც იცოდეს. ჯერ იმ ადამიანს მინდა გავაგებინო და მერე თქვენ", - განუცხადა მარგველაშვილმა ჟურნალისტებს.

ამერიკის შეერთებული შტატების ელჩი რიჩარდ ნორლანდი საქართველოს მოქალაქეებს მშვიდობიან საპრეზიდენტო არჩევნების ჩატარებას ულოცავს. 
როგორც ჟურნალისტებთან საუბარში ამერიკის ელჩმა დღეს განაცხადა, ამერიკის საელჩო ულოცავს საქართველოს მოქალაქეებს საპრეზიდენტო არჩევნებს, რომელიც საქართველოს ყველა მოქალაქისა და ქვეყნის დემოკრატიისთვის კიდევ ერთი ისტორიული დღე იყო.

შემიძლია სრული დარწმუნებით ვთქვა, რომ საქართველოში პოლიტიკური დევნა არ განხორციელდება, – ამის შესახებ პრეზიდენტობის კანდიდატმა გიორგი მარგველაშვილმა უკრაინული ტელეკომპანიის ჟურნალისტის შეკითხვის საპასუხოდ განაცხადა, რომელიც სააკაშვილის სისხლის სამართლის პასუხისმგებლობის საკითხით დაინტერესდა. 

საქართველოს პრემიერ-მინისტრის, ბიძინა ივანიშვილის განცხადებით, 21%, რაც "ნაციონალურმა მოძრაობამ" საპრეზიდენტო არჩევნებში მიიღო, მისთვისაც ძალიან დიდი სიურპრიზი იყო. ამის შესახებ ბიძინა ივანიშვილმა მედიასთან შეხვედრაზე განაცხადა. 
"მეც კი არ ველოდი ამას ძალიან უარეს შემთხვევაშიც კი, რომ მსგავსი მოხდებოდა", - განაცხადა ივანიშვილმა. 
პრემიერის თქმით, კარგად გამოჩნდა, რომ ქართველ ხალხს აკლია პოლიტიკური კულტურა. "ეს ჩემი გადმოსახედიდანაა და არავის შეურაცხყოფას არ ვაყენებ", - აღნიშნა ივანიშვილმა. 

საქართველოს პრემიერ-მინისტრი ბიძინა ივანიშვილი ვარაუდობს, რომ ახალი პრემიერის კანდიდატურას შაბათისთვის დასახელდება , - ამის შესახებ სასტუმრო "რედისონში" მიმდინარე პრესკონფერენციაზე საქართველოს პრემიერ-მინისტრმა, ბიძინა ივანიშვილმა განაცხადა. 

საქართველოს ახალი პრეზიდენტი ფიცს 17 ნოემბერს დადებს. სწორედ ამ დღიდან შეეძლება პრეზიდენტს კონსტიტუციით მინიჭებული უფლებამოსილებების განხორციელება. ახალარჩეული პრეზიდენტის მიერ ფიცის დადებისთანავე, მოქმედ პრეზიდენტს უფლებამოსილება შეუწყდება.

საჩხერის საარჩევნო ოლქში, გიორგი მარგველაშვილმა წინასწარი მონაცემებით, ხმათა 94,09% მიიღო. ამის შესახებ ინფორმაცია ცესკო-ს ოფიციალურ ვებგვერდზეა აღნიშნული. ამ დროისთვის, ეს გიორგი მარგველაშვილის ხმების ყველაზე მაღალი მაჩვენებელია. 
ამასთან, ცესკო-ს მონაცემებით, საჩხერეში დავით ბაქრაძემ ამომრჩეველთა ხმების 2,86%, ხოლო ნინო ბურჯანაძემ - 1,91% მიიღო. 
ამ მომენტისთვის ცესკო-ს მიერ საჩხერეში დათვლილია 53 უბნიდან 51 უბანი. სულ არჩევნებში 27,454 ათასი ამომრჩეველი ანუ 61,75% მივიდა.

ე.წ. ციხის ბუნტის საქმეზე ბაჩო ახალაიას 3 წლითა და 9 თვით პატიმრობა შეეფარდა. მოსამართლე ლაშა ჩხიკვაძის გადაწყვეტილბით, იგივე სასჯელი შეეფარდათ ე.წ. ციხის ბუნტის საქმეში ბაჩო ახალაიასთან ერთად ბრალდებულ დავით ჭაკუას, რევაზ ჭარბაძეს და მეგის ქარდავას, რომლებიც ამ დრომდე ძებნილებად ითვლებიან.

საქართველოს პრემიერ-მინისტრი ბიძინა ივანიშვილი დღეს პრესკონფერენციას გამართავს. პრემიერის პრესსამსახურის ინფორმაციით, პრესკონფერენცია 15:00 საათზე, სასტუმრო "რედისონში" გაიმართება. 
ბიძინა ივანიშვილი, სავარაუდოდ, არჩევნების შედეგებზე ისაუბრებს. არაოფიციალური ინფორმაციით, მან შესაძლოა პრემიერ-მინისტრის პოსტზე მისი შემცვლელიც დაასახელოს. 

მე და პატრიარქმა საქართველოს მომავალზე ვისაუბრეთ, - ამის შესახებ "ქართული ოცნების" საპრეზიდენტო კანდიდატმა გიორგი მარგველაშვილმა ჟურნალისტებს გუშინ, საპატრიარქოდან გამოსვლის შემდეგ განუცხადა. 
მისი თქმით, ცხოვრების ყველაზე რთულ მომენტებში ყოველთვის ჰქონდა უწმინდესთან ურთიერთობის საშუალება. "გამარჯვება კი ბევრად დიდი პასუხისმგებლობაა და მე ბედნიერი ვარ, რომ დღეს შევხვდი პატრიარქს. ჩვენ ვილაპარაკეთ საქართველოს მომავალზე", - აღნიშნა მარგველაშვილმა.

არჩევნები შედგა, ქართველმა ამომრჩეველმა შეძლო გამოეხატა თავისი ნება და ეს ჩატარდა მშვიდ, კონკურენტულ და თანაბარ პირობებში, - ამის შესახებ ცესკო-ს თავმჯდომარე თამარ ჟვანიამ ჟურნალისტებს განუცხადა. 

ცენტრალური საარჩევნო კომისიის წინასწარი შედეგების მიხედვით, საპრეზიდენტო არჩევნებში 63,82 %-ით კოალიცია "ქართული ოცნების" პრეზიდენტობის კანდიდატმა გიორგი მარგველაშვილმა გაიმარჯვა.