ახალი ამბები

მე არსად მივდივარ, მე მოვდივარ, - ამის შესახებ საქართველოს პრემიერ-მინისტრმა ბიძინა ივანიშვილმა ტელეკომპანია "კავკასიის" ეთერში განაცხადა , რითაც პოლიტიკიდან წასვლისა და სამოქალაქო სექტორში გადანაცვლების გადაწყვეტილება შეაფასა. 

საპრეზიდენტო არჩევნები მნიშვნელოვანია, მაგრამ ამით ცხოვრება არ მთავრდება, - ამის შესახებ საქართველოს პრეზიდენტმა მიხეილ სააკაშვილმა რიყეზე მდებარე ამფითეატრში სიტყვით გამოსვლისას განაცხადა. 
მისი თქმით, საპრეზიდენტო არჩევნების შემდეგ საქართველოში შემოდის ახალი კონსტიტუციური სისტემა და მთავრობას კიდევ ვერ გაუაზრებია რამდენად იყო ის დაცული ბოლო წელიწადს. 

ჩემი მსოფლმხედველობა ისევე განსხვავდება პრემიერ-მინისტრ ივანიშვილისგან, როგორც პრეზიდენტ პუტინისგან, - ამის შესახებ საქართველოს პრეზიდენტმა მიხეილ სააკაშვილმა რიყეზე ახლად აშენებულ ამფითეატრში გამოსვლისას განაცხადა. 

ოცნება ჯერ ერთი ტვინს ულაყებს ადამიანს და მეორეც, საქმეს აცდენს, -ამის შესახებ საქართველოს პრეზიდენტმა, მიხეილ სააკაშვილმა რიყეზე , ამფითეარის შენობაში სიტყვით გამოსლვისას განაცხადა. 
"მსურს გავაკეთო ძალიან რადიკალური განცხადება. ზოგის თავში ფიქრი ხანდახან კვამლად გადაიქცევა.

ამერიკული კვლევითი კომპანია "გრინბერგ, ქუინლან, როზნერ რისერჩის" კვლევის თანახმად, დღეს რომ საპრეზიდენტო არჩევნები ტარდებოდეს, გამოკითხულთა 43% მხარს გიორგი მარგველაშვილს დაუჭერდა. 
გამოკითხვაში მეორე ადგილზეა "ერთიანი ნაციონალური მოძრაობის" საპრეზიდენტო კანდიდატი დავით ბაქრაძე, რომელსაც მხარს უჭერს 23%. 

საკვლევ-საკონსულტაციო ცენტრი "ფსიქოპროექტის" მიერ ჩატარებული კვლევის თანახმად, გამოკითხულთა 67% მიიჩნევს, რომ საპრეზიდენტო არჩევნებში გიორგი მარგველაშვილი გაიმარჯვებს. კითხვაზე "მიუხედავად თქვენი არჩევანისა, როგორ ფიქრობთ, ვინ გაიმარჯვებს საპრეზიდენტო არჩევნებში", - 67% ფიქრობს, რომ გიორგი მარგველაშვილი გაიმარჯვებს, 7% ფიქრობს, რომ - დავით ბაქრაძე, ხოლო 5% -ის აზრით, ნინო ბურჯანაძე გაიმარჯვებს. 

საკვლევ-საკონსულტაციო ცენტრის, "ფსიქოპროექტის" მიერ ჩატარებულ კვლევებში გიორგი მარგველაშვილს 57.6% უჭერს მხარს დავით ბაქრაძეს - 11.8%, ნინო ბურჯანაძეს - 7.1%, გიორგი თარგამაძეს - 1.7%, შალვა ნათელაშვილს - 3,1%, ნესტან კირთაძეს - 2%, არც ერთ კანდიდატს არ უჭერს მხარს 4.7%. სხვა კანდიდატურებს 1% უჭერს მხარს. პასუხი არ აქვს 2.4%-ს და პასუხზე უარი განაცხადა 10.3%-მა. 
კვლევა ჩატარდა კოალიცია "ქართული ოცნების" საარჩევნო შტაბის დაკვეთით. საზოგადოებრივი აზრის გამოკითხვა განხორციელდა 13-18 ოქტომბერს. კვლევა 1607 რესპონდენტზე ჩატარდა. 
საქართველოს მასშტაბით შემთხვევითი შერჩევის სტანდარტული მეთოდით. სტატისტიკური ცდომილების ზღვარი შეადგენს 3.,5 %

საქართველოს პარლამენტი წინა ხელისუფლების მიერ თავდაცვითი საფერთიფიკაციო ნაგებობებისა და თხრილების მშენებლობაზე დახარჯული თანხების მიზნობრიობას შეისწავლის. ამის შესახებ "ინტერპრესნიუსს" თავდაცვისა და უშიშროების საპარლამენტო კომიტეტის თავმჯდომარე, ირაკლი სესიაშვილმა განუცხადა.

საქართველოსა და უკრაინასთან მიმართებაში ნატო-ს პოზიცია არ შეცვლილა და რუსული მედიით ჩემი ნათქვამის არასწორი ციტირება მოხდა, - განაცხადა ნატო-ს გენერალურმა მდივანმა ანდერს ფოგ რასმუსენმა "რადიო თავისუფლების" ევროპის ბიუროს ჟურნალისტის რიკარდ იოზვიაკის მიერ დასმულ შეკითხვაზე. 
"არ მოხდა ზუსტი ციტირება იმის, რაც სინამდვილეში ვთქვი. ამიტომ ნება მიბოძეთ, ხაზი გავუსვა, რომ საქართველოსა და უკრაინასთან მიმართებაში ჩვენი პოზიცია არ შეცვლილა. 

კომუნიკაციების მარეგულირებელი კომისიის საქმიანობის შემსწავლელი პარლამენტის საგამოძიებო კომისია დღეს მარეგულირებელი კომისიის წევრებს - კარლო კვიტაიშვილს, სოფიო ბრიტანჩუკს, აკაკი სიხარულიძეს და ირაკლი მოსეშვილს მოუსმენს. 
16.00 საათისათვის კი,  დაგეგმილია skype-ით კომისიის ყოფილი ხელმძღვანელის, ირაკლი ჩიქოვანის მოსმენა. 
საგამოძიებო კომისიის თავმჯდომარის, თინათინ ხიდაშელის განცხადებით, კომისიას ირაკლი ჩიქოვანისგან მიღებული აქვს წერილობითი პასუხები და თუკი სკაიპით ჩართვა ვერ მოხერხდა, წარმოდგენილი იქნება მისი წერილობითი პასუხები.