ახალი ამბები
საქართველოს შინაგან საქმეთა მინისტრი ირაკლი ღარიბაშვილი პოლიტიკურ პარტიებსა და მათ ლიდერებს მოუწოდებს, საპრეზიდენტო არჩევნებზე პროვოკაციებისგან თავი შეიკავონ. შინაგან საქმეთა მინისტრმა ირაკლი ღარიბაშვილმა დღეს რუსთავში, სადაც ქვემო ქართლის საპატრულო პოლიცას ახალი მანქანები გადაეცა, მოახლოებულ საპრეზიდენტო არჩევნებთან დაკავშირებით განცხადება გააკეთა.
ევროსაბჭოს საპარლამენტო ასამბლეის 26-წევრიანი დელეგაცია საპრეზიდენტო არჩევნებზე დაკვირვების მიზნით საქართველოს 25-დან 28 ოქტომბრის ჩათვლით ეწვევა. ინფორმაციას ამის შესახებ ევროსაბჭოს საპარლამენტო ასამბლეის ოფიციალური ვებგვერდი ავრცელებს. 
იუსტიციის მინისტრი თეა წულუკიანი საარჩევნო სიებში არსებულ ხარვეზებზე საუბრობს. როგორც მან დღეს ჟურნალისტებთან საუბრისას განაცხადა, საარჩევნო სიები ჯერ კიდევ დაუხვეწავია. 
რადოსლავ სიკორსკისა და კარლ ბილდტს საქართველოში ვითარების სტაბილურობასთან დაკავშირებით გარკვეული ეჭვები რჩებათ, - ამის შესახებ საქართველოს პრემიერ-მინისტრმა , პოლონეთისა და შვედეთის საგარეო საქმეთა მინისტრებთან ერთობლივ პრესკონფერენციაზე განაცხადა.
მთავარი პროკურორი არჩილ კბილაშვილი არ გამორიცხავს, რომ ხურჩაში 2008 წლის 21 მაისს განხორციელებულ ტერაქტთან დაკავშირებით მაღალი თანამდებობის პირების პასუხისმგებლობის საკითხი დადგეს. "გამოძიების კვალობაზე ეს მოსალოდნელია", - განუცხადა კბილაშვილმა ჟურნალისტებთან საუბრისას. 
